الاثنين، 1 يناير، 2018

دورة التسويق الالكتروني والسوشيال ميديا تؤهلك لتكون اخصائي تسويق الكتروني معتمد

دبلومة التسويق الالكتروني الشاملة (كن اخصائي تسويق الكتروني معتمد)

واحد من المجالات اللى أصبح منتشر بشكل كبير وبدأت الشركات تعتمد عليه بشكل أساسي في التسويق لمنتجاتها هو التسويق الإلكتروني. ويعتبر التسويق الإلكتروني عند البعض هو إنشاء صفحة على الفيس بوك والترويج للمنتجات ولكن ده جزأ بسيط جدا من مجال التسويق الإلكتروني.


إيه هي أهمية التسويق الإلكتروني :

اهمية التسويق الالكتروني  هو الوصول بسهولة لشريحتك المستهدفة هو واحد من أهم مميزات التسويق الإلكتروني. لأنك بتكون عارف تحديدا المحتوى الخاص بيك أو إعلانك هتوجهه لمين، يعني بتقدر تحدد عميلك المستهدف وتوصلة باقل تكلفة وبتتعلم معانا طرق وخطط توصلك للعميل بدون تكلفة (اسال عن استراتيجية التسويق المجاني :)
وعلشان تقدر تستفيد من مجال التسويق الإلكتروني أقصى استفادة بنقدملك في الدبلومة الخاصة بينا مزيج ما بين الخبرة العملية
والنظرية اللى هتحتاجهم في إحترافك لمجال التسويق الإلكتروني، الخبرة النظرية هتتعلم فيها طبيعة المجال والأدوات المختلفة
اللى هتحققلك أفضل النتائج والجزأ العملي هو إزاي تطبق الأدوات دي وإيه أفضل استخدام ليها.
الدبلومة مقسمة لعدة كورسات  كل كورس بيتم فيه دراسة وفهم جزأ مختلف في مجال التسويق الإلكتروني.
الكورس الأول 
 وهو عبارة عن مقدمة في التسويق الإلكتروني وبنقدم فيه الآتي :
1 - مقدمه عن التسويق الإلكتروني،والعائد اللى هتحصل عليه من تطبيقه والأدوات اللى هتساعدك تكون مسوق الكتروني محترف
2 - هتتعلم إزاي تصمم موقع مجاني عن طريق الـBlogger
3 - كيفية كتابة صيغة إعلانية جذابه.
4 - هتعرف ازاي تسوق عن طريق المنتديات والعوامل اللى بناءا عليها تختار المنتدى المناسب.
5 - إزاي تسوق عن طريق الـSMS و الـWhats app  
6 - هتتعلم إزاي تبيع أي منتج Online وإزاي تعمل استراتيجية ناجحة لعمية البيع.(وهتتعلم معانا مايسمي فن البيع الالكتروني)
الكورس الثاني 
هنركز فيه بشكل أكبر على الـSocial Media ومحتوى الكورس هيكون الآتي :
1 - هندرس فية طبيعة الـPlatform  المختلفة زي (Facebook - Instagram - Youtube -Twitter ) 
وإزاي تقدر تستفيد من كل Platform في التسويق لمنتجاتك.
2 - ازاي تقدر تعمل إعلانات مدفوعة  على كل Platform  وتحقق منها أفضل عائد.
3 - هتتعلم الأدوات المختلفة اللى من خلالها هتحصل على أرقام وإحصائيات مفيدة للـBusiness بتاعك واللى بناءا
عليها هتقدر تاخد قرارت تسويقية سليمة.
4 - ازاي تقدر تكسب من فيديوهاتك على الـYoutube.
الكورس الثالث 
وهو الخاص بمحركات البحث :
1 - التعريف بمحركات البحث وإيه هي العوامل اللى  على أساسها بيتم ترتيب النتائج في محرك بحث مثلا زي جوجل.
2 - كيفية بتهيئة موقعك للظهور في النتائج الأولى لمحركات البحث. seo
3 - هتتعلم إزاي تدير الحملات الإعلانية من خلال Google Adwords
 التدريب عملي حيث يوجد جهاز كمبيوتر لكل دارس حتي يتم التطبيق الفعلي للمحاضرة والعمل بها في نفس وقت المحاضرة عدد ساعات الدورة50 ساعة  مقسمة علي 12 محاضرة بواقع محاضرتين اسبوعيا كل محاضرة 4 ساعات
مميزات إضافية للدارسين :
1 - وجود دعم فني متواصل علي جروب  خاص للدارسين في الدورة
2 - امكانية التدريب العملي في شركة تسويق الكتروني  بعد الدورة لمزيد من التطبيقات العملية
3 - توفير فرص عمل اخصائي تسويق الكتروني  للدارسين الراغبين في تطوير مستواهم الوظيفي
4 - توفير المادة العلمية للدارسين من كتب وفيديوهات وأدوات علي فلاش مموري هدية لكل دارس فية كل شيء تحتاجة في التسويق الالكتروني 
فروع الدراسة في اكاديمية اكسبرت
فرع الهرم 
4 شارع مهران متفرع من شارع سعد ابن ابي وقاص خلف خزان المياة محطة المساحة او الهرم 
فرع كوبري القبة 
35 ا شارع علي شعراوي خلف السرايا مول او كارفور الدور الثاني شقة 3
فرع الزقازيق
 تقسيــم المعلميــن ( بجوار نادي وسينمــا أحمد عرابــي ) - شارع بنك بركليــز - عمارة رقــم 7 (رابــع عمــارة يميــن ) - الدور الأول علوي .نت اسكيل
ويمكن تدريس الدورة في مقرات الشركات الراغبة في التسويق للمنتجاتها
ويمكن ايضا تدريسها بنظام التعليم عن بعد  او الاون لاين 
للتسجيل المبدئي عبر الانترنت سجل هنا goo.gl/X0tfUB
ويمكن التواصل مع المحاضر مباشرة باضافة هذا الحساب facebook.com/mohamedelaswany0
للحجز والاستفسار الاتصال علي
01004946212(متاح واتس اب)
01117212675
ويمكن التواصل معنا علي صفحة الكورس علي الفيس بوك علي هذا الرابط
أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع 
بإستخدام حسابكم على موقع التواصل الإجتماعى الفيس بوك

الأربعاء، 23 أغسطس، 2017

إزاي تزود ال Reach لل Post



إزاي تزود ال Reach لل Post

الفيس بوك في بداية انتشاره
كان اللي عنده صفحه فيها عدد معجبين و ليكن مثلا 100 الف
اول ما ينزل بوست على الصفحه كان بيوصل على الاقل لنص عدد المتابعين اللي عنده
و كان بيقدر يحقق تفاعل محترم على البوست و لو كان محتوى البوست ده اعلاني كان بيلاقي استجابة جيده من المتابعين في حالة انها كانت صفحه متخصصه و جمهور مستهدف
و كانت الدنيا اخر حلاوة 😀
و لكن لا شيء يبقى للأبد !!! ... 😥😥
لأنه مع زيادة انتشار الفيس بوك و زيادة عدد المستخدمين و عدد الصفحات اللي بيتابعوها يوميا على الفيس اصبح من الصعب و غير المنطقي ان البوستات الجديدة للصفحات دي كلها تظهر للمتابع في ال news feed بشكل متتابع .. و ده لأن المستخدم بيكون فى الغالب عامل like لألاف الصفحات .. انت نفسك لو ركزت و دخلت تشوف انت متابع كام صفحه على الفيس بوك هتتفاجىء من عدد الصفحات اللي انت متابعها
عشان كده الفيس بوك عمل حاجه اسمها facebook newsfeed algorithm
و هو ما يعرف بالـ EdgeRank برده
وظيفتها بكل اختصار انها تظهر اهم البوستات اللي تهم المستخدم و فقا لمجموعه من المعايير و كان من الاثار الجانبية لل algorithm ده هو انخفاض نسبة وصول ال Post
للمتابعين و وصولها ل 1% الى 3% فى افضل الاحوال .. و بالطريقة دي الفيس ضرب عصفورين بحجر واحد .. اولا حل مشكلة البوستات الكتير اللي هتظهر فى ال news feed و ظبطها وفقا لقوانين ال algorithm اللي عمله .. ثانيا اضطر اصحاب صفحات البيزنس انهم يدفعوا في الاعلانات لزيادة وصول ال Post للمتابعين أو حتى غير المتابعين
و عشان كده المفروض اننا نعرف ايه هي المعايير اللي الفيس بيحدد بناءا عليها زيادة وصول ال Post للمتابعين عشان نقدر نستغلها في صالحنا و نعلب وفقا لقوانين الفيس بوك نفسه
و دي اهم 3 معايير بتتحكم في نسبة الوصول ال Post :
=================================
اولا: ال AFFINITY SCORE
وده معيار بيتوقف على تفاعل الناس مع بوستاتك ، عدد اللايكات والكومنتات والشير اللي بتبقى على البوست بتاعك ... بمعنى انه كل ما زاد التفاعل على البوست كل ما زاد انتشاره
و دي بعض النصائح ازيادة التفاعل مع بوستاتك
--------------------------------------------------
1 - لازم الجمهور اللي بيتابعك يكون مستهدف بدقة عالية
2 - استخدم صورة جذابه و ابداعيه لأعلانك
3 - عنوان ابداعى جذاب و فيه قليل من الغموض
4 - استخدم CTA محدد :
* ال CTA هى اختصار ل Call To Action يعنى انك تطلب من الناس طلب محدد
زى مثلا يكتبوا رأيهم فى كومنت أو يعملوا منشن لأصحابهم او تابعنا على الصفحه أو انهم يسجلوا فى القائمه البريدية بتاعتك
ثانيا : Edge weight
و ده معايير بيتوقف على نوعية البوست نفسه ، احنا عندنا 4 انواع للبوست :
1 - نص
2 - صورة
3 - فيديو
4 - لينك
نوع البوست بيأثر في مدى انتشاره .. يعني مثلا البوست اللي بيكون نص فقط غير البوست اللي بيحتوي على نص و صورة غير البوست اللي بيكون فيديو و هكذا
ثالثا : Time day
جرب تنزل بوست الساعة 6 الصبح وبوست تانى الساعة 12 الضهر والتالت الساعة 9 بليل وقولى رأيك ف التفاعل ؟
طبعا هتلاقي التفاعل مختلف و ده بيرجع لأفضل وقت المتابعيين لصفحتك بيكونوا موجودين فيه على الفيس .. عشان كده لازم تعرف ايه افضل وقت تنزل فيه بوستاتك
و دي كانت مجموعه من العوامل اللي بتأثر في مدى انتشار البوست و وصوله لعدد اكبر من المتابعين

الاثنين، 21 أغسطس، 2017

التحليل الرباعي ( SWOT Analysis )




التحليل الرباعي ( SWOT Analysis )

=========================
اتكلمنا قبل كده على مراحل بناء Brand على ال Social Media وعرفنا ان احد المراحل الاساسية في ال Process دي هي تحليل الوضع لحالي لل Brand بتاعتنا و تحليل الوضع الحالي للمنافسين 

التحليل الرباعي أو ( SWOT Analysis ) عبارة عن اسلوب تحليلي بيستخدم في عملية تحليل الوضع الحالي لل Brand او المنتج بتاعنا و بنقدر عن طريقه نحدد كلا من الاتي :

1 - نقاط القوة ( Strengths )
2 - نقاط الضعف ( Weaknesses )
3 - الفرص المتاحه ( Opportunities )
4 - التهديدات ( Threats )

كيفية استخدام التحليل الرباعي أو ( SWOT Analysis ) في تقيم الوضع الحالي :
===============================================
قالب التحليل الرباعي بينقسم لقسمين رئيسيين و كل قسم بينقسم بدوره لقسمين فرعيين

القسم الاول ( البيئه الداخلية لل Brand ) :
=========================
و هنا بنتكلم عن جزئيتين اساسيتين

1 - نقاط القوة ( Strengths ) :
------------------------------------
و هي العوامل الذاتية و الامكانيات الداخلية لل Brand و اللي بتأثر تأثير ايجابي زي المميزات التنافسيه اللي بتميز ال Brand عن غيرها من المنافسين

2 - نقاط الضعف ( Weaknesses ) :
-----------------------------------------
و هي عوامل النقص الداخلية لل Brand و اللي بتأثر سلبا عليها و بتعتبر ميزه في صالح المنافسين في انهم يتغلبوا عليك

القسم الثاني ( البيئه الخارجية لل Brand ) :
=========================
و هنا بنتكلم عن جزئيتين اساسيتين برده

1 - الفرص المتاحه ( Opportunities ) :
----------------------------------------------
و هنا بنتكلم عن العوامل الخارجية عن بيئة ال Brand و اللي بيكون ليها اثر ايجابي على الشركة لو تم استغلالها بطريقه صحيحة زي مثلا وجود متطلبات للعملاء لم يسبق ان احد المنافسين قام بتلبيتها

2 - التهديدات ( Threats ) :
---------------------------------
و هي عبارة عن الظروف و التوجهات الخارجة عن بيئة ال Brand و اللي ممكن تمثل خطورة على تواجد ال Brand في السوق وسط المنافسين

بعد حصر ال 4 اجزاء الاساسية لتحليل SWOT هيكون عندك رؤية واضحه عن
وضع ال Brand وسط السوق و المنافسين و هتقدر تستخدم المعلومات دي في التغلب على المنافسين
الاثنين، 17 يوليو، 2017

اعلانات الفيس بوك VS جوجل ادوردز




اعلانات الفيس بوك VS جوجل ادوردز

===============================


لما بنتكلم عن الاعلانات فى عالم الديجيتال ماركتينج اول الأختيارات اللى بنفكر فيها هى اعلانات الفيس بوك و اعلانات جوجل ادوردز بأعتبار انهم اضخم و افضل برنامجين اعلانيين على مستوى العالم

عشان كده هنتكلم انهارده عن اهم الفروق بين البرنامجين و ازاى تختار البرنامج الأنسب لحملتك الاعلانيه

اهم الفروق بين البرنامجين :

=================

1 - احد اكبر الاختلافات الجوهرية بين البرنامجين , ان اعلانات الفيس بوك بتستهدف العملاء بناءا على الاهتمامات فى حين ان اعلانات جوجل ادوردز بتستهدف العملاء من خلال عمليات البحث عن كلمات مفتاحية محددة فى وقت احتياجهم


2 - امكانية الاستهداف القوى فى الفيس بوك بناءا على السمات الشخصيه للعملاء المحتملين
( السن - الجنس - الاهتمامات - النطاق الجغرافى - السلوك - الخ ) تعتبر نقطة قوى تتميز بها اعلانات الفيس بوك


3 - تكمن قوة اعلانات جوجل ادوردز فى استهداف العملاء لحظة اهتمامهم بالمنتج او الخدمه اللى بتقدمها و للسبب ده بيكون معدل تحويل الزوار الى عملاء فعلين احيانا اكبر من اعلانات الفيس فى حالة انك مستهدف الكلمه المفتاحية المناسبه


4 - احد مميزات اعلانات الفيس بوك اللى بتتميز بها عن اعلانات جوجل ادوردز هى انتشار الاعلان على نطاق واسع و ده بيرجع لأن الفيس بوك فى الاساس شبكة تواصل اجتماعى و بمجرد ما الاعلان بيبدأ عليه التفاعل من كومنت و شير و خلافه بيبدأ يظهر بشكل Organic لأصدقاء الفئه المستهدفه اللى تفاعلوا مع الاعلان و هكذا


5 - احد الاختلافات الجوهرية بين البرنامجين ان ال CPC ( تكلفة الضغطه ) بتكون اعلى فى جوجل ادرودز عن الفيس بوك و لكن زى ما ذكرنا فى النقط السابقه ان معدل التحويل بيكون اعلى بكتير فى حالة استهداف الكلمات المفتاحية المناسبة و عشان كده لازم دايما تحسب تكلفة الحملة و ال ROI فى كلا من البرنامجين عشان تقدر تحدد ايه الافضل بالنسبالك


6 - الفيس بوك بما انه شبكه تواصل اجتماعى و زى ما ذكرنا ان الاعلان بينتشر بصورة كبيرة بين الناس عليه , للسبب ده اعلانات الفيس بتكون افضل فى حالة ال B2C
اما اعلانات جوجل ادوردز بتكون افضل فى حالة ال B2B لأنه زى ما ذكرنا قبل كده انه بيستهدف العملاء من خلال عمليات البحث عن الكلمات المفتاحية فى لحظة اهتمامهم بنوعية المنتجات او الخدمات اللى بتقدمها


دى كانت اهم الفروق بين اعلانات الفيس بوك و اعلانات جوجل ادوردز و اللى بناءا عليها هتقدر تحدد البرنامج الانسب لحملتك الاعلانية 

الأربعاء، 12 يوليو، 2017

المراحل الاساسية لبناء Brand على ال Social Media




المراحل الاساسية لبناء Brand على ال Social Media

==============================================

انهارده و بعد ما ظهرت قوة السوشيال ميديا و تأثيرها الكبير على اى بيزنس أو مشروع 
و ادراك اصحاب المشاريع مدى الفرص اللى هيفتقدوها فى حالة عدم استخدامهم للسوشيال ميديا كقناة تسويقية للمشروع من حيث زيادة المبيعات و بناء قاعدة عملاء محتملين فى المستقبل


عشان كده اصبح التوجه العام للشركات و المشاريع الناشئة بمختلف احجامها هو بناء براند للشركة او المشروع على السوشيال ميديا .. و عشان كده هنستعرض معاكم انهارده

المراحل الاساسية لبناء براند على السوشيال ميديا :
===============================
1 - دراسة الشريحة المستهدفه من العملاء و تحديد احتياجاتهم و اهتمامتهم و التحديات اللى بتقابلهم و اماكن تواجدهم و السن و النوع و كافة المعلومات اللازمه عنهم ..

2 - اختيار القنوات التسويقية المناسبه بناءا على الشريحه المستهدفه و اماكن تواجدهم 
و كمثال ( لو الشريحه المستهدفه كانت من دول الخليج .. اذا من الافضل استخدام تويتر و انستجرام كقنوات تسويقية بدالا من الفيس بوك لأن الشبكات المنتشرة فى دول الخليج تويتر و انستجرام و سناب شات اكثر من الفيس بوك )

3 - بعد اختيار القنوات التسويقية المناسبه اللى هنشتغل عليها بننتقل لمرحلة حصر المنافسين على القنوات دى و نبدأ عملية تحليل و دراسة المنافسين دول من كافة الجوانب كمثال ( المحتوى - اوقات النشر - معدل النشر - الخ )

4 - و بعد دراسة الشريحه المستهدفه و دراسة المنافسين و اختيار قنوات التسويق المناسبه 
بتيجى مرحلة وضع الخطة التسويقية للبراند لتحقيق اهداف محددة قابلة للقياس خلال فترة زمنية معينه

5 - البدأ فى تنفيذ اجزاء الخطة التسويقية المختلفة

6 - قراءة الاحصائيات و تحليل النتائج خلال فترة التنفيذ و مقارنتها بالأهداف الموضوعه 
و هل الخطة على الطريق الصحيح للوصول للأهداف المطلوب تحقيقها ولا لأ

7 - اجراء التعديلات اللازمه على الخطه التسويقية بناءا على المعلومات اللى تم استخلاصها من تحليل النتائج السابقه بما يتناسب مع الاهداف الموضوعه

دى كانت المراحل الاساسية لبناء وجود لأى براند على قنوات السوشيال ميديا المختلفه بأختصار و طبعا تحت كل مرحله من المراحل تفاصيل كثير جدا هنحاول ان شاء الله نتكلم فيها مع بعض الفترة اللى جايه

الاثنين، 10 يوليو، 2017

5 طرق لخسارة متابعيك على السوشيال ميديا



5 طرق لخسارة متابعيك على السوشيال ميديا 


معظم الشركات و الافراد اللى شغالة على السوشيال ميديا بغرض عرض البيزنس الخاص بها بيكون ليها غرضين اساسين :
اولا : تحقيق اقصى ربح ممكن من التواجد على السوشيال ميديا من خلال زيادة المبيعات

ثانيا : تكوين قاعده من المتابعين المهتمين بالمنتجات او الخدمات اللى بتقدمها الشركة و اللى بيتحول جزء منهم مع الوقت لعملاء فعلا و هما دول رأس مال الشركه فى المستقبل القريب
عشان كده من المهم جدا بناء علاقه جيده مع المتابعين دول .. و تجنب الاسباب اللى ينتج عنها خسارتهم و بالتالى خسارة عملاء محتملين فى المستقبل تم صرف مبالغ من المال للحصول عليهم

و من اهم الأسباب اللى بتؤدى لخسارة المتابعين على السوشيال ميديا :

----------------------------------------------------------------------

1 - ان محتوى صفحتك يكون عبارة عن اعلانات لمنتجاتك و خدماتك فقط بدون اضافة اى قيمة للمتابع ... عشان كده من المفضل ان تتبع نظرية ال ( 20/80 ) يعنى 20% من محتواك يكون اعلانى و 80% من المحتوى يكون محتوى بيقدم قيمه للمتابع زى المحتوى التعليمى مثلا

2 - ان كل تركيزك يكون مع منافسيك و تكون مهاجمتهم قضية حياتك و شغلك الشاغل على صفحتك بدلا من التركيز على شركتك او البراند بتاعك

3 - عدم الرد على المتابعين سواء كان على الكومنتات او الرسائل و تجاهل أراءهم

4 - عدم متابعتك لأحصائيات صفحتك بأستمرار و معرفة ايه نوع المحتوى اللى بيجذبهم و ايه الوقت المناسب لنشر بوستاتك

5 - التوقف عن النشر على صفحتك لمدة طويله .. لدرجة ان متابعيك ينسوا البراند بتاعتك

حاول دايما تتجنب الاسباب دى للحفاظ على متابعيك ... اللى هما فى الاساس راس مالك
السبت، 8 يوليو، 2017

اعلانات الفيس بوك - نصائح للحفاظ على حساب الفيس بوك الاعلانى




نصائح للحفاظ على حساب الفيس بوك الاعلانى 
===============================
حساب الفيس بوك الاعلانى حاليا بيعتبر كنز بالنسبه للكثير من الاشخاص و الشركات لأنه فعليا بيعتبر حجر الاساس للكثير من الشركات و المشاريع الناشئه لأعتمادهم شبه الكلي على اعلانات الفيس لتحقيق مبيعات و بناء قاعدة عملاء على السوشيال ميديا 

و لو تم تعطيل الحساب الاعلانى للمشاريع دى بتكون كارثه ... و المشكله ان الشخص اللى بيتم ايقاف حسابه لما بيحاول يفتح حساب جديد فى الغالب الفيس بيقدر يتتبعه و يقفل الاكونت الجديد 

و بما ان الوقاية خير من العلاج فمن الواجب على كل واحد او شركة بتستخدم الفيس بوك فى الاعلان بشكل اساسى ... انه يحافظ على الاكونت الاعلانى من ان يتم اغلاقه من الاساس 

و عشان كده احنا جمعنا بعض النصائح اللى بأتباعها هتساهم بشكل كبير فى الحفاظ على حسابك الاعلانى على الفيس من الاغلاق و بالتالى الحفاظ على استمرار المشروع :

النصيحه الاولى  ( الزاميه و فى غاية الأهمية ) :
================================
اقرأ شروط و سياسات الاعلان على الفيس بوك بعناية شديدة و التزم بها .. عشان الفيس مش بيهزر فى سياساته و معظم الاكونتات اللى بيتم حظرها فى الاساس بتكون بسبب مخالفة الشروط و السياسات دى و للأسف نادرا ان حد يقرأ و يفهم الشروط و السياسات و يلتزم بها  
عشان كده لو حسابك الاعلانى على الفيس مهم بالنسبه لعملك .. متترددش لحظه فى 
انك ( تذاكر بعناية ) الشروط و السياسات دى 

و تقدر تطلع على شروط و سياسات  الاعلان على الفيس بوك من هنا :


النصيحه الثانيه ( حافظ على جودة حسابك الاعلانى ) :
===================================
كل حساب اعلانى على الفيس بوك ليه تقيم بمجموعه من النقاط تحدد جودته ..
 طبعا ما يقدرش يطلع على التقييم ده الا فريق دعم الفيس بوك بيحتاج يراجعها وعلى أساسها ينظر في شكواك في حالة إيقاف حسابك الإعلاني 

و من اهم الاسباب اللى بتقلل من جودة حسابك الاعلانى بالنسبه لفريق دعم الفيس بوك هو كثرة اعلاناتك المرفوضه من قبل الفيس بوك لمخالفتها شروط و سياسات الاعلان على الفيس بوك ( و ده بيوضح مدى اهمية النصيحه الاولى ) 

النصيحه الثالثة  ( توزيع العمل على اكثر من حساب اعلانى ) :
=========================================
الحسابات الاعلانية على الفيس بوك بتكون عبارة عن حاجه من اتنين ... 

اولا : الحساب الاعلانى الشخصى .. 
و ده الحساب اللى معظم الناس بتستخدمه و بيكون تبع الحساب الشخصى فى الفيس بوك

 ثانيا : الحسابات الاعلانية اللى تم انشائها عن طريق حساب ال Business Manager

و بالمناسبه ( حساب ال Business Manager ) ده حساب تم اتاحته من الفيس بوك للمعلنين بحيث انهم يقدروا يديروا شغلهم مع فريقهم على الفيس بوك من خلال اعطاء صلاحيات معينه لكل فرد فى الفريق على حسب وظيفته و على حسب ما يحتاج اليه
و من ضمن مميزات حساب ال Business Manager انك تقدر تفتح حتى 5 حسابات اعلانيه منفصله عن بعضها من خلاله 

و الحساب الاعلانى الشخصى هو الاكثر اهمية لأن من خلاله هتقدر تفتح حساب ال Business Manager اللى من خلاله هتقدر تفتح اكثر من حساب اعلانى عشان كده احنا محتاجين نحافظ على الاكونت الاعلانى الشخصى بقدر الامكان .. فا لو تم حظر الحساب الاعلانى الشخصى هيتم حظر حساب ال Business Manager بالكامل و الحسابات الاعلانية اللى تم انشائها من خلاله ... لكن ان تم حظر احد الحسابات الاعلانية اللى تم انشائها من خلال حساب ال Business Manager هتقدر تكمل شغل على باقى الحسابات الاعلانية من غير قلق ..

و عشان كده بننصح بأستخدام حساب ال Business Manager فى انشاء حسابات اعلانية منفصلة من خلاله و توزيع العمل عليها بدلا من الحساب الاعلانى الشخصى لتجنب حظر الحساب الاعلانى الشخصى فى حالة ارتكاب اى خطأ سهوا 

و تقدر تنشىء حساب ال Business Manager من هنا :

الثلاثاء، 4 يوليو، 2017

الربح من اليوتيوب - 6 طرق لضمان نجاحك على اليوتيوب




بناءا على رغبة الكثير من المتابعين الافاضل 🙂
😉
هنتكلم النهارده على اهم النصائح اللى هتساعد على نجاحك على اليوتيوب و طبعا ده لأهميته فى عملية التسويق و بالتالى زيادة ارباحك .. خصوصا ان اليوتيوب هو تانى اكبر محرك بحث بعد جوجل

1 - اول 10 ثوانى فى الفيديو
--------------------------------
الثوانى الاولى من اى فيديو هى اهم ثوانى فى الفيديو على الاطلاق لأن بناءا عليها المشاهد بيقرر هل هيكمل الفيديو و لا لأ
عشان كده لازم تقدر تجذب انتباه المشاهد و تثير فضوله عشان يكمل الفيديو

2 - اختر Thumbnail جذابة 
---------------------------------
من اهم عوامل زيادة مشاهدات الفيديو هو اختيار صورة مصغرة جذابة للفيديو ... و لو لاحظت نفسك هتلاقى كام فيديو انت دخلت عليه قبل كده 
فقط بسبب الصورة الجذابه بتاعته .. حاول انك تختار لقطه من الفيديو تجذب الاتنباه و بأحد برامج التعديل على الصور اكتب عنوان الفيديو بأختصار و بشكل و الوان جذابه

3 - اهتم بالعنوان و الوصف
-------------------------------
زى ما قولنا قبل كده ان اليوتيوب هو تانى اكبر محرك بحث بعد جوجل.. و ده معناه انه بيخضع القوانين و مبادىء ال SEO
و من احد العوامل الاساسية فى ال SEO هو كتابة عنوان و وصف الفيديو بناءا على الكلمات المفتاحية الاساسية اللى بتستهدفها
و يجب مراعاة كتابة العنوان بصيغه جذابه و بها شىء من الفضول لجذب انتباه المشاهد تماما بنفس منطق الصورة المصغرة للفيديو

4 - ضع Call To Action فى نهاية الفيديو
----------------------------------------------
المشاهد اللى يتابع الفيديو لاخره ده مشاهد مميز و ده لأنه وجد افادة وقيمه فى الفيديو بتاعك و الا ما كنش كمل الفيديو للاخر
و هنا من المناسب جدا انك تستغل الوضع ده و تطلب منه شىء معين لأنه بنسبه كبيره هيوافق عليه زى مثلا انك تطلب منه انه يعمل اشتراك فى قناتك او انه يعمل شير للفيديو مع اصدقائه او يعمل لايك على صفحة الفيس او انه يسجل فى استمارة الموجوده فى وصف الفيديو و هكذا

5 - اربط فيديوهاتك ببعضها 
--------------------------------
ربط فيديوهاتك ببعضها البعض بيساعد على زيادة عدد مشاهدات قناتك و بيساعد اكتر على تحسين ال SEO الخاص بفيدوهاتك
و ده لأن كل ما زاد عدد مشاهدات قناتك و زادت معاها المده اللى بيقضيها المشاهد فى مشاهدة فيديوهاتك ... اليوتيوب بيفهم من كده ان محتوى الفيديوهات اللى بتقدمها مفيد و عشان كده هيفضل فيديوهاتك على فيديوهات منافسيك

6 - راجع احصائيات قناتك بأستمرار
--------------------------------------
شغل التسويق بشكل عام قائم على قراءة و تحليل الاحصائيات و اتخاذ قرارات بناءا عليها .. و ده عشان تقدر تعرف انت ماشى صح و بتحقق نتائج و لا لأ و لو فيه حاجه غلط تقدر تحدد هى ايه و تعدل فيها ... و التسويق عن طريق اليوتيوب بينطبق عليه نفس الكلام .. لازم تقرأ احصائيات قناتك و تعرف هل فيه تقدم بالنسبه لعدد المشاهدات و المشتركين و لا لأ و هل الفيديوهات بتحقق اهدافها التسويقية و لا لأ ... و ايه انواع المحتوى اللى بتهم المتابعين بتوعك على اليوتيوب و هكذا

الصورة بألف كلمه




زى ما بيقولوا ... الصورة بألف كلمه
======================

الصور انهارده بالنسبه للسوشيال ميديا عامله زى الميه بالنسبه للحياه .. حاجه اساسية لا يمكن الاستغناء عنها
استخدام صور جذابة و تصميمات ابداعية فى السوشيال ميديا بيساعد بصورة كبيره جدا فى انتشار العلامه التجارية لأى شركة و توصيل رسالتها بطريقة اكثر فاعلية


احنا كلنا عارفين ان .."المحتوى هو الملك".. و نقدر نعتبر برده ان .."الصور و التصميمات الجذابه هى الملكة"..
و لازم الصور و التصميمات دى تكون جذابه و احترافية عشان تجذب انتباه المتابعين .. و لكن المشكله ان مش كل اللى بيستخدم السوشيال ميديا مصمم أو مصور محترف


و عشان كده احنا انهارده هنشارك معاكم مجموعه من المصادر و الادوات المجانية اللى هتخليكم تقدروا تعملوا تصميمات احترافية للسوشيال ميديا بكل سهولة


أولا مصادر مجانية للصور :

==================
1 - pixabay.com

2 - http://thestocks.im/


ثانيا اداه مجانيه لعمل صور احترافية :

=======================
https://spark.adobe.com/

فكر بدماغ عميلك





دلوقتى لما بتيجى تكتب بوست جديد على الصفحه بتاعة البراند اللى شغال عليها لازم و انت بتكتب البوست تاخد بالك من مجموعه من المعايير 


و لأنك اصلا بتكتب البوست ده للعملاء بتوعك يبقى من المنطقى جدا انك تحط نفسك مكان العميل و تسأل نفسك مجموعه من الأسئله المهمه و اللى بأجابتها هتقدر توصل لأفضل قطعة محتوى ممكن تخرج منك للعميل 


لازم تسأل نفسك الأسئله دى و انت بتكتب اى بوست جديد :

-----------------------------------------------------------

1 - هل محتوى البوست ده مهم بالنسبه للعميل و بيقدمله قيمه ؟؟..

2 - لو كنت انا العميل .. هل طريقة عرض البوست هتجذبنى للقراءة ؟؟..

3 - هل التصميم اللى فى البوست ده هيجذب انتباهى من اول ما اشوفه ؟؟..

4 - هل طريقة كتابة البوست ده بتحفزنى انى اتفاعل معاها ؟؟..


و هكذا .. حاول دايما انك تفكر بدماغ المتابعين و العملاء و تعرف ايه اللى بيمثل قيمه بالنسبه لهم و وفر محتوى بناء على ده


عربي باي